У Вікіпедыі ёсць артыкулы пра іншых асоб з прозвішчам Ельскі.
Уладзіслаў Ельскі (каля 1700 — 1762) — дзяржаўны і ваенны дзеяч Вялікага Княства Літоўскага. Староста пінскі, палкоўнік пяцігорскі.
Прадстаўнік шляхецкага роду Ельскіх гербу «Пелеш».
У 1756 годзе разам з Янам Масальскім, старостам ваўкавыскім, абіраўся паслом на сойм ад Гарадзенскага павета. У інструкцыі, выдадзенай ім павятовым соймікам, значыліся наступныя пункты: наданне ўрадаў у Вялікім Княстве Літоўскім толькі літвінам, адкрыццё ў Рэчы Паспалітай мынцы, выкананне трыбунальскіх правоў[1].
У шлюбе з Аленай Бжастоўскай меў сыноў Юзафа, Францішка, Станіслава, Канстанціна[2].