Уладзімір Уладзіміравіч Гацко (нар. 11 верасня 1970, в. Цялуша Бабруйскага раёна Магілёўскай вобласці) — беларускі ўрач і палітык, дэпутат Палаты прадстаўнікоў Нацыянальнага сходу Рэспублікі Беларусь.
Скончыў Мінскі дзяржаўны медыцынскі інстытут, Акадэмію кіравання пры Прэзідэнце Рэспублікі Беларусь.
Працаваў загадчыкам прыёмнага аддзялення, загадчыкам пульманалагічнага аддзялення Бабруйскай гарадской бальніцы хуткай медыцынскай дапамогі, галоўным урачом Бабруйскай цэнтральнай бальніцы.
Выбіраўся дэпутатам Магілёўскага абласнога Савета дэпутатаў 26—28-га скліканняў, дэпутатам Палаты прадстаўнікоў Нацыянальнага сходу Рэспублікі Беларусь сёмага склікання.
Узнагароджаны ганаровымі граматамі Нацыянальнага сходу Рэспублікі Беларусь, Савета Міністраў Рэспублікі Беларусь, нагрудным знакам Міністэрства аховы здароўя «Выдатнік аховы здароўя Рэспублікі Беларусь»[1].