У Вікіпедыі ёсць артыкулы пра іншых асоб з прозвішчам Данько. Уладзі́мір Анто́навіч Данько́ (14 снежня 1941, в. Сэрвач, Карэліцкі раён, Гродзенская вобласць, БССР — 19 чэрвеня 2018) — міністр унутраных спраў Рэспублікі Беларусь у 1994 годзе. Генерал-лейтэнант унутранай службы.
У 1970 годзе скончыў юрыдычны факультэт Беларускага дзяржаўнага ўніверсітэта па спецыяльнасці «правазнаўства».
З 1965 года — участковы ўпаўнаважаны аддзела міліцыі Фрунзенскага райвыканкама г. Мінска; з 1967 года — старшы інспектар службы Фрунзенскага аддзела міліцыі; інспектар, начальнік аддзялення службы, намеснік начальніка аддзела ўнутраных спраў Цэнтральнага райвыканкама г. Мінска, начальнік аддзела ўнутраных спраў Маскоўскага райвыканкама г. Мінска.
У 1981—1985 гадах — намеснік начальніка, начальнік кіравання аховы грамадскага парадку МУС БССР; у 1985—1991 гадах — начальнік УУС Гродзенскага аблвыканкама.
З 1991 года — намеснік міністра ўнутраных спраў Рэспублікі Беларусь.
У 1994 годзе ўзначальваў Міністэрства ўнутраных спраў Рэспублікі Беларусь; у 1995—1999 гадах кіраваў Акадэміяй МУС Рэспублікі Беларусь.
28 лютага 1994 года Пастановай Савета Міністраў Рэспублікі Беларусь прысвоена спецыяльнае званне генерал-лейтэнант унутранай службы.
Пахаваны на Усходніх могілках у Мінску.
За шматгадовую плённую працу на органах унутраных спраў, вялікі асабісты ўнёсак ва ўмацаванне законнасці і правапарадку на рэспубліцы, заслугі на падрыхтоўцы высокакваліфікаваных спецыялістаў і навуковых кадраў узнагароджаны ордэнам «За службу Радзіме» III ступені, за актыўны ўдзел у забеспячэнні грамадскага парадку на перыяд рыхтоўлі і правядзенні XII Сусветнага фестывалю моладзі і студэнтаў у г. Маскве — медалём «За выдатную службу па ахове грамадскага парадку».