У Вікіпедыі ёсць артыкулы пра іншых асоб з прозвішчам Свінарэнка. Уладзімір Іванавіч Свінарэнка (нар. 12 чэрвеня 1959, г. Палтава, УССР) — беларускі архітэктар.
Скончыў у 1981 годзе архітэктурны факультэт Палтаўскага інжынерна-будаўнічага інстытута. У 1981—1987 гадах працаваў архітэктарам, вядучым архітэктарам інстытута «Магілёўграмадзянпраект». У 1987 годзе прызначаны кіраўніком Архітэктурна-канструктарскай майстэрні інстытута «Магілёўграмадзянпраект». У 1990 выбраны намеснікам старшыні, начальнікам Упраўлення архітэктуры і горадабудаўніцтва Магілёўскага гарвыканкама. З 1996 года генеральны дырэктар ЗАТ «Будпраектінвест».
Член Беларускага саюза архітэктараў з 1985 года.
Пражывае ў Магілёве па вул. Арлоўскага, 17в.
Аўтар праектаў аб’ектаў: квартал жылой забудовы па вул. Грышына; квартал жылой забудовы МЖК па вул. Арлоўскага; Дом дзіцяці — усе у Магілёве.
У шлюбе з архітэктарам Валянцінай Свінарэнка.