Тэйн Сейн (бірм.: သိန်းစိန်; [θéiɴ sèiɴ]; нар. 20 красавіка 1945, К’ён-Ку, Бірма) — прэзідэнт М’янмы з 30 сакавіка 2011 года; прэм’ер-міністр у 2007-11. Генерал арміі.
Падчас кіравання ваеннай хунты (Дзяржаўны савет міру і развіцця) быў генералам, у 2007 годзе выконваў абавязкі падчас лячэння прэм’ер-міністра Со Віна, а пасля яго смерці быў прызначаны новым прэм’ер-міністрам (24 кастрычніка 2007). На парламенцкіх выбарах 2010 года, якія не былі прызнаны міжнароднай супольнасцью ў якасці дэмакратычных, партыя Аб’яднанне салідарнасці і развіцця пад яго кіраўніцтвам атрымала большасць месцаў у парламенце. 4 лютага 2011 года парламент М’янмы абраў яго прэзідэнтам краіны[3]. Афіцыйна Тэйн Сейн пачаў працу 30 сакавіка.