wd wp Пошук:
    ⬜

    Традыцыйныя графствы Уэльса

    Пад традыцыйнымі графствамі Уэльса разумеецца сукупнасць адміністрацыйна-тэрытарыяльных адзінак, якая склалася пасля яго заваявання і ўключэння ў дзяржаўную сістэму Англіі.

    Асновы гэтага падзелу былі закладзены каралём Эдуардам I у Рудланскім статуце 1284 г. Паводле статуту, з тэрыторый, якія ўваходзілі ў канфедэрацыю Лівеліна Апошняга, былі ўтвораны пяць графстваў, далучаныя да каралеўскага дамена. Лорды Валійскай маркі захавалі сваё фактычна незалежнае становішча ў знак прызнання іх заслуг у заваяванні Уэльса.

    У такім выглядзе Уэльс праіснаваў да 1535 г., калі Генрых VIII анексаваў тэрыторый астатніх лордстваў Маркі (да гэтага моманту многія з іх ужо ўвайшлі ў склад каралеўскіх уладанняў як маёмасць, якая належыла памерламу). Гэта акцыя была праведзена з мэтай парадкавання і ўніфікацыі адміністрацыйнай сістэмы Англіі. У рамках праграмы, якая праводзілася ўрадам Томаса Кромвеля, Актамі аб Законах Уэльса 1535-1542 г.(англ.) бел. была ўтворана сістэма падзелу Уэльса на трынаццаць графстваў, якая праіснавала да адміністрацыйнай рэформы 1888 г.

    Традыцыйныя графствы

    1. Монмутшыр (Sir Fynwy)2
    2. Гламарган (Sir Forgannwg or Morgannwg)3
    3. Кармартэншыр (Sir Gaerfyrddin)1
    4. Пембрукшыр (Sir Benfro)3
    5. Кардыганшыр (Sir Aberteifi)1
    6. Брэкнакшыр (Sir Frycheiniog)2
    7. Раднаршыр (Sir Faesyfed)2
    8. Монтгамерышыр (Sir Drefaldwyn)2
    9. Дэнбішыр (Sir Ddinbych)2
    10. Флінтшыр (Sir y Fflint)1
    11. Мерыянетшыр (Sir Feirionnydd)1
    12. Карнарваншыр (Sir Gaernarfon)1
    13. Англсі (Sir Fôn)1
    1. Графствы, утвораныя ў 1284 г.
    2. Графствы, утвораныя ў 1535 г.
    3. Графства Пембрук і лордства Гламарган, якія існавалі да заваявання Уэльса Эдуардам I.

    Гл. таксама

    Спасылкі

    Тэмы гэтай старонкі (1):
    Катэгорыя·Традыцыйныя графствы Уэльса