Тачыльшчыкі (Anobiidae) — сямейства насякомых з атрада цвердакрылых.
Вельмі паліморфная група, і цяжка знайсці характарыстыкі, якія апісваюць ўсіх членаў сямейства. Жукі невялікіх памераў ад 1 да 10 мм, часцей за 5 мм. Вусікі складаюцца з 8-11-члянкоў, грабеністыя, пільчатыя або з 3 моцна павялічанымі вяршыннымі члянкамі. У лічынак ногі, звычайна, добра развіты; кіпцікі з 2 шчацінкамі. Жывуць у мёртвай або адміраючай драўніне, могуць сур’ёзна шкодзіць запасам прадуктаў і лекавай сыравіне.