У Вікіпедыі ёсць артыкулы пра іншых асоб з прозвішчам Пенязькова. Таццяна Пятроўна Пенязькова (8 лютага 1925, Гомель) — беларускі архітэктар. Кандыдат тэхнічных навук (1958), дацэнт (1971).
Скончыла Кіеўскі інжынерна-будаўнічы інстытут у 1950 г. Працавала ў Кемераўскім аблпраекце, з 1953 года — у ІБіА Дзяржбуда БССР, з 1971 года — дацэнт кафедры тэорыі і гісторыі архітэктуры Беларускага політэхнічнага інстытута.
Член Саюза архітэктараў СССР з 1958 года. Пражывала ў Мінску.
Аўтар шэрагу навуковых артыкулаў.