wd wp Пошук:

Тартэла звілістая

Тартэла звілістая (Tortella tortuosa) — від імхоў сямейства Pottiaceae.

Апісанне

Дзярнінкі буйныя, часта падушкападобныя, мяккія, жаўтавата-зялёныя, сплеценыя рызоідным лямцам. Сцябло прамастойнае, простае або вілавата разгалінаванае, даўжынёй 2-6 см. Лісце адыходнае, пры яйкападобнай або падоўжанай аснове лінейна-ланцэтнае, вузказавостранае, кілявата-жалабатае, з вельмі хвалістымі, уверсе папілозна-гародчатымі краямі. Жылка простая, выступае з верхавінкі ліста вастрыём. Клеткі ўверсе ліста акругла-квадратныя, вельмі папілозныя, пры аснове ліста — прамавугольныя, бясколерныя, па краі ў выглядзе каймы працягваюцца ўгору. Каробачка на ножцы, прамая або трохі сагнутая, падоўжана-яйкападобная. Перыстом просты. Вечка з касой дзюбкай.

Пашырэнне

Аркта-альпійскі кальцафільны від. Пашырэнне цыркумпалярнае — ад арктычнай да падтаежнай зоны паўночнага паўшар’я; у Паўднёвым паўшар’і толькі ў Паўднёвай Амерыцы. На Беларусі рэдкі від, колькасць якога скарачаецца, трапляецца ў ізаляваных лакалітэтах за мяжой вобласці суцэльнага пашырэння. Расце ў ельніках асінава-сныцевых і на вапнава-пясчанай гальцы, знойдзены на сценах старых бетонных збудаванняў.

Асаблівасці біялогіі

Двухдомны. Звычайна стэрыльны. Размнажэнне вегетатыўнае — верхавінкамі лісця. Спараносіць летам.

Расце густа, буйнымі дзярнінкамі, але на невялікіх плошчах.

Літаратура

Тэмы гэтай старонкі (7):
Катэгорыя·Артыкулы пра расліны без GRIN
Катэгорыя·Чырвоная кніга Беларусі
Катэгорыя·Потыевыя
Катэгорыя·Расліны паводле алфавіта
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Артыкулы без спасылкі на Віківіды
Катэгорыя·Артыкулы пра расліны без IPNI