Помнік «Танк-пераможца» — помнік у Санкт-Пецярбургу каля ракі Красненькай (праспект Стачак, 106—108). Уваходзіць у мемарыяльны комплекс Кіраўскі вал.
На гранітным пастаменце ўсталяваны танк «КВ-85», які выпускаў Чалябінскі Кіраўскі завод у гады Вялікай Айчыннай вайны. За ім знаходзіцца ДОТ, пабудаваны ў 1941 годзе, з надпісам 1941—1945. Гэта адзін з двух захаваных асобнікаў дадзенай мадэлі. Другі танк знаходзіцца ў Чалябінску. Яшчэ адзін аналагічны танк «КВ-1с» знаходзіцца ў Кубінцы.
Помнік устаноўлены ў 1951 годзе па прапанове інжынера-канструктара танка Ж. Я. Коціна і па праекце архітэктара В. А. Каменскага.
Раней у кампазіцыю ўваходзілі два абеліскі, усталяваныя па абодва бакі ад Ленінградскай шашы (цяпер — праспект Стачак). Абеліскі былі аформлены бронзавымі пяціканцовымі зоркамі, у верхніх частках цокаляў бронзавыя рэльефныя гірлянды, у рамах бронзавыя барэльефы У. І. Леніна і І. В. Сталіна, а таксама абодва бакі медаля «За абарону Ленінграда» і надпіс «Ленінград». Вышыня (без зорак) — 13,5 м. Пастамент, на якім устаноўлены «Танк-пераможца», быў абліцаваны белым мармурам.
Кампазіцыя была ўзведзена ў 1949—1951 гг. Паблізу гэтага месца ў 1945 годзе была збудаваная Трыумфальная арка (не захавалася), у якой урачыста сустракалі войскі, якія вярталіся з фронту 8 ліпеня 1945 года.