Трыпуціна Тамара Мікалаеўна (нар. 1 чэрвеня 1947) — беларуская мовазнаўца, кандыдат філалагічных навук, дацэнт.
Нарадзілася ў в. Гай (Круглянскі раён).
Скончыла 7 класаў Круглянскай СШ у 1961 г. У 1965 г. закончыла Мінскі тэхнікум лёгкай прамысловасці, у 1972 г. — Мінскі дзяржаўны педагагічны інстытут імя М. Горкага.
Да 1967 г. працавала ў аддзеле тэхнічнага кантролю на Мінскім вытворчым абутковым аб’яднанні «Прамень». З 1975 г. на кафедры беларускага мовазнаўства Беларускага дзяржаўнага педагагічнага універсітэта: асістэнт, старшы выкладчык. Кандыдат філалагічных навук з 1977 г. З 1984 г. дацэнт кафедры беларускага мовазнаўства Беларускага дзяржаўнага педагагічнага універсітэта. Выкладала курс сучаснай беларускай мовы, спецкурс «Мова мастацкага слова», стылістыку беларускай мовы. [1]
З’яўляецца аўтарам больш як 50 навуковых прац:
«Моўныя адзінкі і кантэкст»,
«Аналіз слова і фразаўжывання ў мастацкім тэксце»,
«Мова мастацкага твора: вучэбна-метадычны дапаможнік»,
«Аналіз слова і фразеаўжывання ў мастацкім тэксце» (з нарыса пра мову Янкі Брыля),
аўтарэферата «Анализ языка произведений Я.Брыля и русского их перевода» і інш.