Таварыства беларусаў і маларосаў — дабрачынная арганізацыя, створаная для падтрымкі эмігрантаў беларускага і ўкраінскага паходжання ў г. Гранд-Рапідс (штат Мічыган). Дзейнічала ў 1913—1914 гг. Мела свой статут.
Асноўную задачу заснавальнікі таварыства бачылі ва ўстанаўленні трывалай сувязі паміж славянскімі народамі; перавага аддавалася асобам, якія нарадзіліся на тэрыторыі беларуска-літоўскіх і малароскіх губерняў. Таварыствава спрабавала захаваць нацыянальную адметнасць беларускіх і ўкраінскіх эмігрантаў у ЗША, аказвала ім матэрыяльную і фінансавую дапамогу.