Сяргей Прылуцкі (нар. 4 чэрвеня 1980, Брэст; Псеўданімы: Сірошка Пістончык; Пістончык) — беларускі паэт, празаік, перакладчык. Жыве ў Кіеве.
Аўтар кнігі вершаў «Дзевяностыя forever» (2008), «Йопыты двух маладых нелюдзяў» (2009) (пад псеўданімам Сірошка Пістончык, у сааўтарстве з Уласікам Смаркачом).
Перакладае з украінскай, польскай і англійскай моў, сярод перакладаў паасобныя творы Віславы Шымборскай, Анджэя Бурса, Уінстана Х’ю Одэна, Ірэны Карпа і іншых.
Удзельнік шматлікіх паэтычных і літаратурных фестываляў, слэм-турніраў у Беларусі і замежжы (Украіна, Літва, Польшча).
Трохразовы фіналіст конкурсу маладых літаратараў Беларускага ПЭН-Цэнтра. З кнігай «Дэгенератыўны слоўнік» трапіў у лонг-ліст Прэміі Ежы Гедройца за 2014 год.