Сычужны фермент, таксама рэнін (хімазін) — фермент з класа гідралаз, які выпрацоўваецца ў страўнікавых залозах млекакормячых, у тым ліку чалавека. У жвачных жывёл выпрацоўваецца залозамі сычуга (4-га аддзела страўніка), адсюль адна з яго трывіяльных назваў - сычужны фермент. Гэта першы фермент, вылучаны хімічна: дацкі вучоны Крысціян Хансен вылучыў яго шляхам экстракцыі солевым растворам з высушанага страўніка цяля (залаты медаль у 1874 годзе).