«Сыны Ірака» (араб. أبناء العراق), таксама «Адраджэнне» (араб. إحياء)— кааліцыя суніцкіх апалчэнняў у іракскай правінцыі Анбар. У гады Іракскай вайны групоўка выступала на баку кааліцыйных сіл і сфармаванага імі ўрада краіны, змагаючыся супраць партызанскага руху. «Сыны» сфармаваліся ў 2005 годзе і ў розным выглядзе праіснавалі да 2013[1].
Многія незалежныя аналітыкі прыпісвалі апалчэнню зніжэнне ўзроўню гвалту ў раёнах, дзе яно дзейнічала; аднак хуткі рост груповак таксама выклікаў асцярогі з нагоды сцвярджэнняў аб цёмным мінулым некаторых членаў, зарплата якіх першапачаткова цалкам аплачвалася амерыканскімі вайскоўцамі[2]. Прэм’ер-міністр Ірака Нуры аль-Малікі папярэдзіў, што ўзброеныя ЗША мясцовыя грамадзяне павінны знаходзіцца пад камандаваннем новай іракскай арміі або паліцыі[3].
У 2009 годзе Міністэрства абароны Ірака распусціла суніцкія групоўкі, каб яны не сталі асобнай ваеннай сілай. Пазней у тым жа годзе некаторыя члены групоўкі пагражалі падпаліць вуліцы і «пачаць племянную вайну» пасля таго, як не атрымалі поспех на выбарах[4].
Пасля перавыбрання ў 2010 годзе Нуры аль-Малікі Ісламская дзяржава разгарнула кампанію забойстваў суніцкіх племянных лідараў і рэшткаў руху ў Аль-Анбар. Перастрэлкі і забойствы былі задакументаваны ў відэазапісах ІД пад назвай «Звон мячоў»[5]. У перыяд з 2009 па 2013 год было забіта 1345 членаў «Абуджэння», што фактычна прывяло да знішчэння арганізацыі[6].