Сцяг Чэрыкава — сцяг горада Чэрыкаў і Чэрыкаўскага раёна. Сцяг і герб зацверджаны Указам Прэзідэнта Рэспублікі Беларусь ад 24 жніўня 2006 г. № 526.
Сцяг уяўляе сабой прамавугольнае палотнішча з суадносінамі бакоў 1:2, якое складаецца з дзвюх гарызантальных палос, верхняй - зялёнага, ніжняй — блакітнага колеру, якія складаюць адпаведна 3:1 шырыні сцяга. У цэнтры пярэдняга боку палотнішча — апраўленая белай аблямоўкай выява герба горада Чэрыкава.