Сцяг Чашнікаў — сцяг горада Чашнікі і Чашніцкага раёна. Сцяг зацверджаны Указам Прэзідэнта Рэспублікі Беларусь ад 2 чэрвеня 2009 г. № 277.
Сцяг Чашнікаў уяўляе сабой прамавугольнае палотнішча з суадносінамі бакоў 1:2, якое складаецца з трох частак. Цэнтральная частка палотнішча белага колеру з бела-зялёнай аблямоўкай намалявана ў выглядзе ляза, размешчанага гарызантальна вяршыняй улева, верхняя і ніжняя часткі – чырвонага колеру. У дрэўкавай частцы белага ляза размешчана выява герба Чашнікаў.