Сцяг Стоўбцаў — афіцыйны геральдычны сімвал горада Стоўбцаў Мінскай вобласці. Сцяг заснаваны Указам Прэзідэнта Рэспублікі Беларусь ад 20 лістапада 2006 года № 691 і зарэгістраваны ў Дзяржаўным геральдычным рэгістры 22 лістапада 2006 года № Б-100.
Прамавугольнае палотнішча з суадносінамі бакоў 1:2, якое складаецца з трох вертыкальных палос: дзвюх жоўтага колеру, размешчаных па краях (шырыня кожнай складае 1/4 даўжыні палотнішча), і цэнтральнай блакітнага колеру (шырыня складае 1/2 даўжыні палотнішча), у якой размешчана выява белай віціны.
Сцяг і палажэнне аб ім ухвалены рашэннем раённага Савета дэпутатаў ад 30 студзеня 2004 года № 38. Мастак сцяга В. А. Ляхор[1].