Сцяг Рэспублікі Кіпр — белае палотнішча з сілуэтам вострава аранжавага колеру. Колер быў падабраны не выпадкова, ён паказвае на багатыя залежы медзі, знойдзенай на Кіпры яшчэ ў 3000 да н. э. Пад выявай вострава знаходзяцца дзве галіны аліўкавага дрэва, якія ўвасабляюць абедзве этнічныя групы, што пражываюць на Кіпры — грэкі і туркі. Сцяг быў уведзены ва ўжытак пасля аб’явы аб незалежнасці ад Вялікабрытаніі, дасягнутай у 1960 годзе.
Сцяг Рэспублікі Кіпр — адзін з нямногіх сцягоў свету, дзе выкарыстоўваецца карта тэрыторыі.