wd wp Пошук: ⬜

Сцяг Буркіна-Фасо

**Дзяржаўны сцяг [Буркіна-Фасо](/Буркіна-Фасо "Буркіна-Фасо")** прыняты [4 жніўня](/4_жніўня "4 жніўня") [1984](/1984 "1984") г, пасля ваеннага перавароту (названага рэвалюцыяй), які прывёў да ўлады капітана Томаса Санкару (апошні таксама пераназваў краіну ў Буркіна-Фасо з Верхняй Вольты і напісаў гімн краіны). Прыняцце сцягу было адным з эпізодаў у курсе ўрада Санкары на рэвалюцыйны разрыў з каланіяльным мінулым.

Сцяг уяўляе сабой дзве гарызантальныя паласы, чырвоную зверху і зялёную знізу, пасярэдзіне размешчана жоўтая пяціканцовая зорка. Чырвоны колер сімвалізуе рэвалюцыю, зялёны — багатыя прыродныя рэсурсы краіны, а жоўтая зорка — святло рэвалюцыі (больш позняя інтэрпрэтацыя — мінеральныя багацці). Акрамя таго, зялёны, жоўты і чырвоны таксама з’яўляюцца панафрыканскімі колерамі.

З 1958 г. (калі была дадзена аўтаномія) па 1984 гады (калі да ўлады прыйшлі сацыялісты) выкарыстоўваўся сцяг Верхняй Вольты, які прадстаўляе тры гарызантальных паласы, чорную, белую і чырвоную, колеры якога сімвалізавалі тры ракі, пры зліцці якіх ўтвараецца Вольта: Чорную Вольту, Белую Вольту і Чырвоную Вольту.

Тэмы гэтай старонкі (2):
Катэгорыя·Сцягі дзяржаў
Катэгорыя·Буркіна-Фасо