Сцяг Іарданіі
Сцяг Іарданіі заснаваны на сцягу арабскага супраціўлення супраць Асманскай імперыі падчас Першай сусветнай вайны.
Ён складаецца з трох роўнавялікіх гарызантальных палос: зверху чорная, пасярэдзіне белая, унізе зялёная. Па-над імі на левым краі знаходзіцца чырвоны трохвугольнік, у якім намалявана белая сяміканцовая зорка. Гарызантальныя колеры іарданскага сцяга ўяўляюць каліфаты Абасідаў, Амейядаў і Фацімідаў. Чырвоны трохвугольнік увасабляе кіруючую дынастыю Хашымітаў, а таксама арабскае супраціўленне. У сяміканцовай зоркі падвойнае значэнне: яна сімвалізуе першую суру Карана, а таксама адзінства арабскіх кланаў.
Сцяг Іарданіі быў афіцыйна ўведзены ва ўжыванне 16 красавіка 1928 года.
Сцяг ВМС Іарданіі
Каралеўскі штандар
Катэгорыя·Дзяржаўныя сімвалы Іарданіі
Катэгорыя·Сцягі 1928 года
Катэгорыя·Сцягі паводле алфавіта
Катэгорыя·Сцягі дзяржаў