Стэфан Кандзежаўскі — дзяржаўны дзеяч Вялікага Княства Літоўскага. Слонімскі войскі і суддзя земскі, дэпутат на Трыбунал Радамскі ў 1659 годзе, кашталян менскі з 1661, кашталян смаленскі з 1663.
Паходзіў з роду Кандзежаўскіх герба «Навіна», сын слонімскага падстаросты і войскага Мікалая і дачкі віленскага падсудка Алены Гедройц. Быў жанаты з Аляксандрай Бжастоўскай, сястрой троцкага ваяводы, і меў ад яе двух сыноў, Канстанціна і другога, які памёр у Парыжы.