Стыкс
Стыкс (стар.-грэч.: Στύξ — «пачвара», лац.: Styx) — у старажытнагрэчаскай міфалогіі — увасабленне першабытнага жаху і цемры, з якіх паўсталі першыя жывыя істоты, і персаніфікацыя аднайменнай міфічнай ракі Стыкс.
Дачка Акіяна і Тэфіды, ці дачка Нікты і Эрэба. Згодна з Гесіёдам, Стыкс - жонка Паланта, маці Нікі, Зайздрасці, Сілы і Моцы. Згодна з паэмай Эпіменіда, Стыкс - дачка Акіяна і жонка Перанта, ад яго нарадзіла Яхідну.
Падчас барацьбы Кронаса з Зеўсам Стыкс перш за іншых багоў паспяшалася з дзецьмі (асабліва багіняй перамогі Нікай) на дапамогу Зеўсу, за што той зрабіў яе багіняй клятваў, а яе воды іх сімвалам.
Літаратура
- Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш. — Мн.: БелЭн, 2002. — Т. 15. — 552 с. — 10 000 экз. — ISBN 985-11-0251-2 (Т. 15).
Катэгорыя·Жыццё пасля смерці
Катэгорыя·Геаграфія грэчаскай міфалогіі
Катэгорыя·Выдуманыя рэкі
Катэгорыя·Старонкі з нелікавымі аргументамі formatnum
Катэгорыя·Акіяніды