Старапанская слабада (Іншаземная слабада) — гістарычны раён Масквы, які быў населены выхадцамі з Рэчы Паспалітай. Знаходзілася ў XVII ст. ў Земляным горадзе каля Варанцова поля[ru], паміж Сырамятнай[ru] і Мельніцкай слабодамі (раён сучаснай вул. Варанцова Поле, Сырамятніцкага і Мельніцкага завулкаў[ru]). Большасць насельніцтва слабады складалі вайскоўцы з Рэчы Паспалітай. У 1638 годзе тут былі 52 двары, і толькі адзін належаў «нямчыну». У другой палове XVII ст. насельніцтва слабады было асімілявана.