Соня Эдстром-Рутстром (швед. Sonja Edström-Ruthström, 18 лістапада 1930, Лулеа — 15 кастрычніка 2020, там жа) — шведская лыжніца, алімпійская чэмпіёнка, прызёр чэмпіянатаў свету.
На Алімпіядзе-1952 у Осла стала 11-й у гонцы на 10 км.
На Алімпіядзе-1956 у Карціна-д’Ампеца ў абодвух відах жаночай праграмы, у гонцы на 10 км і эстафеце, заваявала па бронзавым медалі.
На Алімпіядзе-1960 у Скво-Вэлі стала алімпійскай чэмпіёнкай у эстафеце, у якой бегла апошні этап і, прыняўшы эстафету на першым месцы, з перавагай больш за хвіліну над савецкімі лыжніцамі, захавала лідарства, саступіўшы на сваім этапе толькі каля 20 секунд. У асабістай гонцы на 10 км Рутстром-Эдстром заняла 5-е месца.
За сваю кар’еру на чэмпіянатах свету заваявала два медалі, абедзве бронзавыя у эстафетных гонках, на чэмпіянатах 1954 і 1958 гадоў.