Сло́німскі сельсавет — былая адміністрацыйна-тэрытарыяльная адзінка ў складзе Слонімскага раёна Гродзенскай вобласці. Цэнтр — горад Слонім (не ўваходзіў у склад).
Утвораны 12 кастрычніка 1940 года як Петралевіцкі сельсавет у складзе Слонімскага раёна Баранавіцкай вобласці БССР. Цэнтр — вёска Петралевічы. З 8 студзеня 1954 года ў складзе Гродзенскай вобласці. 16 ліпеня 1954 года да сельсавета далучана тэрыторыя скасаванага Харашэвіцкага сельсавета[1]. 17 чэрвеня 1960 года да сельсавета далучана частка скасаванага Касцянёўскага сельсавета (3 населеныя пункты: Вераб’евічы, Разанаўшчына і Чамяры)[2]. 27 верасня 1963 года цэнтр сельсавета перанесены ў вёску Лабазаўка[3]. 16 сакавіка 1965 года сельсавет перайменаваны ў Слонімскі сельсавет, адміністрацыйны цэнтр перанесены ў горад Слонім. 6 жніўня 1979 года сельсавет скасаваны, яго тэрыторыя далучана да Дзераўноўскага і Паўлаўскага сельсаветаў.