Скуола Карміні (італ.: Scuola Grande dei Carmini) — палац у Венецыі, які служыў рэзідэнцыяй аднайменнай скуоле, заснаванай у 1663 манаскім ордэнам кармелітаў.
Будынак пабудаваны па праекце Бальдасарэ Лангена. У 1740 годзе Джамбатыста Цьепола атрымаў замову на роспіс столі на другім паверсе скуолы. Фрэска «Св. Сімон Сток, які атрымлівае наплечнік ордэна кармелітаў ад Дзевы Марыі і Немаўляці» лічыцца адным з шэдэўраў Цьепола. На фрэсцы намаляваная Мадонна з тварам жанчыны з нізкага класа, у бліскучай белай вопратцы і цёмна-сінім покрывам, дабраслаўляючы Сімона Стока. Побач анёл дае Сімону Стоку наплечнік. Сімон Сток пакрыты белай накідкай. Кармеліты шанавалі святога Сімона за тое, што ён адрадзіў ордэн пасля яго забароны ў Святой зямлі ў XIII стагоддзі.