Скандынавізм — грамадскі рух у скандынаўскіх краінах - Швецыі, Нарвегіі і Даніі, накіраваны на палітычнае, эканамічнае і культурнае аб’яднанне гэтых краін.
У шырокім сэнсе пад «скандынавізмам» разумеюць любыя плыні эпохі капіталізму (перыяд пасля напалеонаўскіх войнаў), якія мелі аб’яднальныя тэндэнцыі. У вузкім сэнсе - толькі рух у 40-60-х гадах XIX стагоддзя. Некаторыя гісторыкі, зрэшты, распаўсюджваюць дзеянні гэтага паняцця таксама на аб’яднальныя фазы ў часы скандынаўскага сярэднявечча. У нескандынаўскай літаратуры часам таксама ўжываецца тэрмін «панскандынавізм».