У Вікіпедыі ёсць артыкулы пра іншых асоб з прозвішчам Ульянава (значэнні). Святлана Якаўлеўна Ульянава (23 сакавіка 1936, Смаленск — 6 сакавіка 1984, Мінск) — беларускі архітэктар.
Скончыла Беларускі політэхнічны інстытут у 1959 годзе. Працавала архітэктарам, кіраўніком групы архітэктараў у Белдзяржпраекце з 1960 па 1984 г.
Член Саюза архітэктараў СССР з 1967 года.
Асноўныя працы: чыгуначны сартавальны паштамт у Мінску (1970—1976), агульнатэрапеўтычны клінічны санаторый «Аксакаўшчына» ў Мінскім раёне (1971—1974), 9-павярховы жылы дом АН БССР у квартале В. Харужай (1976), 12-павярховы жылы дом з убудаванай крамай па вул. Горкага (1977, з В. Б. Ладыгінай) у Мінску, комплекс навучальных, вытворчых і адміністрацыйных будынкаў СПТВ у Віцебску.