У паняцця ёсць і іншыя значэнні, гл. Карасёва. Святлана Генадзьеўна Карасёва (28 снежня 1962, Зінькіў, Палтаўская вобласць, УССР) — беларуская вучоная, кандыдатка філасофскіх навук (2000), дацэнтка (2007).
У 1988 годзе скончыла аддзяленне філасофіі гістарычнага факультэта Беларускага дзяржаўнага ўніверсітэта. У 1997 годзе скончыла аспірантуру Інстытут філасофіі і права НАН Беларусі па спецыяльнасці «Гісторыя філасофіі». У 2000 годзе абараніла кандыдатскую дыссертацыю па спецыяльнасці «Гісторыя філасофіі».
Працавала ў жаночым інстытуце «Энвіла», Еўрапейскім гуманітарным універсітэце, Міжнародным дзяржаўным экалагічным універсітэце імя А. Д. Сахарава (1997—2007)[1].
З 2007 года працуе выкладчыкам у Беларускім дзяржаўным універсітэце (курс «Рэлігіязнаўства» для студэнтаў спецыяльнасцяў «Філасофія», «Сацыялогія» і «Псіхалогія»)[2].
Вобласць навуковых даследаванняў — рэлігіязнаўства (праблема вызначэння рэлігіі, пытанні сацыялогіі і псіхалогіі рэлігіі).
Ініцыятар і галоўны кіраўнік першага на Беларусі масштабнага даследавання «Тыпалогія рэлігійнасці ў сучаснай Беларусі» (2012—2015 гг.). Для даследавання спецыяльна распрацоўвалася сацыялагічная анкета, рэспандэнты — жыхары розных гарадоў (як буйных, так і дробных) і населеных пунктаў Беларусі. У выніку даследавання былі атрыманыя дадзеныя, якія маюць самастойнае значэнне ў адносінах да цэлага масіву, на грунце якога распрацоўваецца тыпалогія. Гэтыя дадзеныя адлюстроўваюць дэмаграфічныя асаблівасці, прычыны звароту і каштоўнасныя ўсталёўкі рэлігійнага насельніцтва. Паводле дадзеных, рэлігійныя (у той ці іншай ступені) беларусы ўяўляюць сабою дэмаграфічна разнастайную групу, з перавагай жанчын, са стабільным сямейным становішчам, з высокім узроўнем адукаванасці і кваліфікаванай занятасці, якая мае ў якасці асноўных (але не вылучных) матываў звароту да рэлігіі ўплыў сацыяльнага атачэння і пошук асабістага сэнсу.[3]
Ініцыятар і адзін з арганізатараў міжнароднай навукова-практычнай канференцыі па рэлігіязнаўству, якая ладзіцца ў Мінску раз на два гады. Канференцыя з’яўляецца адной з найбуйнейшых навуковых падзей у галіне акадэмічнага рэлігіязнаўства на постсавецкай прасторы. Усяго адбылося 6 канференцый, у тым ліку: «Чалавек і рэлігія» (2013), «Рэлігія і штодзённасць» (2015)[4], «Рэлігія і гісторыя» (2017)[5], «Рэлігія і камунікацыя» (2019)[6]. У 2021 г. плануецца канференцыя «Рэлігія і памяць».
Традыцыйныя секцыі на канферэнцыях: гісторыя релігіі, філасофія рэлігіі, сацыялогія рэлігіі, культуралогія рэлігіі, антрапалогія рэлігіі, псіхалогія рэлігіі, метадалогія рэлігіязнаўства, нетрадыцыйная рэлігійнасць.
Карасёва С. Г. Введение в религиоведение: учеб.-метод. пособие для студентов, обучающихся по спец. 1-21 02 01 «Философия» [7]
Карасёва С. Г. Типовая учебная программа по учебной дисциплине для специальности 1-21 02 01 Философия [8]