Сама́равіцкі сельсавет — былая адміністрацыйна-тэрытарыяльная адзінка ў складзе Ваўкавыскага раёна (у 1940—1962 гадах у складзе Зэльвенскага раёна) Гродзенскай вобласці. Цэнтр — вёска Самаравічы.
Утвораны 12 кастрычніка 1940 года як Падбалоцкі сельсавет у складзе Зэльвенскага раёна Баранавіцкай вобласці БССР. Цэнтр — вёска Падбалоцце. З 20 верасня 1944 года ў складзе Гродзенскай вобласці. 16 ліпеня 1954 года перайменаваны ў Самаравіцкі сельсавет, цэнтр перанесены ў вёску Самаравічы[1]. З 17 красавіка 1962 года ў складзе Ваўкавыскага раёна. 23 сакавіка 1964 года скасаваны, тэрыторыя далучана да Крамяніцкага сельсавета.