Рыжская архідыяцэзія — архідыяцэзія Рымска-Каталіцкай Царквы з цэнтрам у горадзе Рызе ў Латвіі. Архідыяцэзія ўваходзяць у склад Рыжскай мітраполіі.
У 1186 годзе Святы Прастол заснаваў дыяцэзію Лівоніі. У 1253 годзе Святы Прастол заснаваў у Лівоніі новыя дыяцэзіі і ўтварыў асобную Рыжскую архідыяцэзію. 20 студзеня 1255 года Рымскі Папа Аляксандр IV выдаў булу «Primatuum cathedras», якой пацвердзіў статус Рыжскай мітраполіі.
У 1561 годзе дзяржаўнай рэлігіяй у Лівоніі стала лютэранства, і Рыжская архідыяцэзія ў 1563 годзе была скасавана.
22 верасня 1918 года Рыжская дыяцэзія была адноўлена.
8 мая 1937 года з часткі тэрыторыі Рыжскай архідыяцэзіі была ўтворана новая Ліепайская дыяцэзія.
2 снежня 2005 года з часткі тэрыторыі Рыжскай архідыяцэзіі была ўтворана новая Рэзэкнэнска-Аглонская дыяцэзія.