У Вікіпедыі ёсць артыкулы пра іншых асоб з прозвішчам Гагуа. Руслан Барысавіч Гагуа (4 жніўня 1972) — беларускі гісторык, кандыдат гістарычных навук, музыкант.
Скончыў гістарычны факультэт Гродзенскага дзяржаўнага ўніверсітэта імя Янкі Купалы ў 2001 г. і аспірантуру ў 2007 г. Абараніў дысертацыю на суісканне вучонай ступені кандыдата гістарычных навук па тэме «Крыніцы і гістарыяграфія (XIX — пачатку XXI ст.) Вялікай вайны з Тэўтонскім ордэнам». Працуе дацэнтам на кафедры гуманітарных навук, філасофіі і правы Палескага дзяржаўнага ўніверсітэта. Асноўны напрамак навуковых даследаванняў — еўрапейская сярэднявечная ваенная гісторыя[1]. З’яўляецца буйным спецыялістам па гісторыі ваенных канфліктаў Польшчы і Літвы з Тэўтонскім ордэнам, у прыватнасці, па Вялікай вайне і Грунвальдскай бітве.
Р. Б. Гагуа з’яўляецца кіраўніком, аўтарам песень і гітарыстам музычнага калектыву «Red Cat» (Чырвоны кот). Пінская група ўзнікла ў снежні 2005 г. і выступае, у асноўным, у стылі Hard’n’heavy. Выконвае ўласныя і чужыя песні. У 2009 г. быў запісаны свой дэбютны студыйны альбом, які ў гэтым жа годзе быў выдадзены пад назвай «The Rat`s Hole of a Sad Rose»[1][2].
Яна з’яўляецца адной з асноўных крыніц да даследавання падзеяў Грунвальдскай бітвы. Гэта першае манаграфічнае выданне ў Беларусі пра Грунвальд, яно выйшла накладам 200 асобнікаў.
Грунвальдскай бітве прысвечана шмат матэр’ялаў розных аўтараў, але дакладнага грунтоўнага аналізу, хронікі, па словах аўтара кнігі, не рабілася дагэтуль ні ў Беларусі, ні за яе межамі.
Руслан Гагуа скарыстаўся нямецкімі і польскімі хронікамі XV стагоддзя на лацінскай і старагерманскай мовах. Ён па-новаму спрабуе інтэрпрэтаваць падзеі, якія адбываліся. Па словах гісторыка, яны вельмі адрозніваюцца ад кропкі гледжання беларускай гістарычнай навукі. Па-іншаму разглядаецца роля смаленскіх палкоў, структура войскаў, што прымалі ўдзел у бітве, па іншаму страты і г.д.[3]