Ружовы пелікан
У гэтага паняцця ёсць і іншыя значэнні, гл. Пелікан.
Ружовы пелікан (Pelecanus onocrotalus) — буйная вадаплаўная птушка сямейства пеліканавых.
Знешні выгляд
Вялікая, нязграбная птушка, з белым цялеснага адцення апярэннем і чорнымі канцамі крылаў.
- Даўжыня цела самцоў да 175 см.
- Размах крылаў - да 360 см.
- Даўжыня крыла ў самцоў 66,5-77 см, у самак 58,6-78 см.
- Вага самцоў - 5,5-15 кг, самак - 5,1-10 кг.
- Хвост амаль прамы, з 24 рулявых пёраў. Даўжыня хваста самцоў 15-23 см, самак 13-20,5 см.
- Апярэнне рэдкае, шчыльна прылягае да цела.
- Дзюба доўгая, сплошчаная, заканчваецца загнутым ўніз кручком. Даўжыня дзюбы самцоў 35-47,1 см, самак 28,9 - 46 см.
- Даўжыня цэўкі самцоў 12-18,5 см, самак 10-16,5 см.
- Шыя доўгая.
- Гарлавы мяшок вялікі, моцна расцягваецца.
Пашырэнне
Арэал разарваны, уключае Балканы, Чорнае i Каспiйскае моры, Аральскае возера (Казахстан), Блізкі Усход, некаторыя тэрыторыi Паўднёвай Азii, Паўднёва-Усходняй Афрыкі. Насяляе кантынентальныя вадаёмы з берагамi, якiя зараслi трыснягом i кустамi, асаблiва імкнуцца да рачных дэльт.
Паўднёвыя папуляцыi аселыя, паўночныя — пералётныя. Нерэгулярна залятае ў розныя еўрапейскiя краiны (Іспанію, Францыю, Германію, Вялікабрытанію, Бельгію, Галандыю, Данію, Нарвегію, Швецыю, Фінляндыю, Эстонію, Латвію, Літву, Польшчу, Чэхію, Славакію, Аўстрыю, Швейцарыю, Мальту, Беларусь, Венгрыю, Расію — наваколле Сант-Пецярбурга).
Асаблівасці біялогіі
Гняздуе калонiямі. Гняздо — утаптаная куча з сухой надводнай раслiннасцi (галоўным чынам трыснягу), а таксама сухой травы, дыяметр — 1,5-3,0 м.
Яйкi (2-4) падоўжаныя, амаль элiптычныя; белыя з мазкамі вапны. Памеры: 89 х 57 мм.
Літаратура
- Птушкі Еўропы: Палявы вызначальнік. — Варшава: Навуковае выдавецтва ПНВ, 2000. — 540 с.: іл. ISBN 83-01-13187-X
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Птушкі Афрыкі
Катэгорыя·Жывёлы паводле алфавіта
Катэгорыя·Птушкі Еўразіі
Катэгорыя·Жывёлы, апісаныя ў 1758 годзе
Катэгорыя·Пеліканы
Катэгорыя·Уразлівыя віды