У гэтага паняцця ёсць і іншыя значэнні, гл. Пелікан.
Ружовы пелікан (Pelecanus onocrotalus) — буйная вадаплаўная птушка сямейства пеліканавых.
Вялікая, нязграбная птушка, з белым цялеснага адцення апярэннем і чорнымі канцамі крылаў.
Арэал разарваны, уключае Балканы, Чорнае i Каспiйскае моры, Аральскае возера (Казахстан), Блізкі Усход, некаторыя тэрыторыi Паўднёвай Азii, Паўднёва-Усходняй Афрыкі. Насяляе кантынентальныя вадаёмы з берагамi, якiя зараслi трыснягом i кустамi, асаблiва імкнуцца да рачных дэльт.
Паўднёвыя папуляцыi аселыя, паўночныя — пералётныя. Нерэгулярна залятае ў розныя еўрапейскiя краiны (Іспанію, Францыю, Германію, Вялікабрытанію, Бельгію, Галандыю, Данію, Нарвегію, Швецыю, Фінляндыю, Эстонію, Латвію, Літву, Польшчу, Чэхію, Славакію, Аўстрыю, Швейцарыю, Мальту, Беларусь, Венгрыю, Расію — наваколле Сант-Пецярбурга).
Гняздуе калонiямі. Гняздо — утаптаная куча з сухой надводнай раслiннасцi (галоўным чынам трыснягу), а таксама сухой травы, дыяметр — 1,5-3,0 м.
Яйкi (2-4) падоўжаныя, амаль элiптычныя; белыя з мазкамі вапны. Памеры: 89 х 57 мм.