Роза Ісакаўна Атунбаева (нар. 23 жніўня 1950, Фрунзэ, Кіргізская ССР) — кыргызскі палітык і дыпламат, лідар парламенцкай фракцыі Сацыял-дэмакратычнай партыі Кыргызстана. У выніку падзей 7 красавіка 2010 г. зрабілася кіраўніком Часовага ўрада Кыргызстана. 19 мая 2010 года спецыяльным дэкрэтам Часовага ўрада Кыргызстана абвешчана Прэзідэнтам Кыргызстана пераходнага перыяду. Паводле дадзенага дэкрэту тэрмін паўнамоцтваў Прэзідэнта пераходнага перыяду усталяваны да 31 снежня 2011 года. Па выніках рэферэндуму, праведзенага 27 чэрвеня 2010 г., выбрана Прэзідэнтам і прыведзена да прысягі 3 ліпеня 2010 года.