Рамэн Канон (фр. Romain Cannone; нар. 12 красавіка 1997, Булонь-Біянкур) — французскі фехтавальшчык-шпажыст, чэмпіён летніх Алімпійскіх гульняў 2020 у Токіа.
Нарадзіўся 12 красавіка 1997 года ў горадзе Булонь-Біянкур, Францыя. Разам з сям’ёй пераехаў у Бразілію, калі яшчэ хадзіў у дзіцячы сад. Затым яго сям’я пераехала ў Ніжні Іст-Сайд ў Нью-Ёрку, там ён і пачаў займацца фехтаваннем ва ўзросце 12 гадоў, пасля трэніраваўся пад кіраўніцтвам Майкла Макрацова ва ўзросце 13 гадоў у Нью-Ёркскай акадэміі фехтавання на Коні-Айлэндзе.
У 2019 годзе Канон заняў 30-е месца ў асабістым першынстве свету па мужчынскай шпазе ў Будапешце. Да свайго залатога медаля на Алімпійскіх гульнях у Токіа 2020 яго найвышэйшым дасягненнем было 7-е месца на чэмпіянаце свету ў Ванкуверы 8 лютага 2019 года. У 2019 годзе, калі Канон прайшоў кваліфікацыю на Алімпійскія гульні, ён быў студэнтам у Бізнес-школе Скема.