У Вікіпедыі ёсць артыкулы пра іншых асоб з прозвішчам Гінзбург. Разалія Евелеўна (Яўлееўна) Гінзбург (1889 — 1946) — беларуская вучоная-гематолаг. Доктар медыцынскіх навук, прафесар.
Нарадзілася ў 1889 годзе.
У 1920-х гадах некаторы час была выкладчыкам Мінскай фельчарска-акушэрскай школы[1].
Адна з заснавальнікаў і дырэктар (у 1933-36 гадах) Беларускага інстытута гематалогіі і пералівання крыві[1].
Пры ўдзеле Р. Гінзбург у Крымскім медыцынскім інстытуце імя Фрунзэ(руск.) бел. першай з тэрапеўтычных кафедраў у 1933 годзе была створана кафедра факультэцкай тэрапіі (цяпер — унутранай медыцыны № 1). Яна загадвала кафедрай да 1939 года[2].
У 1944 годзе ўзначаліла кафедру факультэцкай тэрапіі Стаўрапольскага медыцынскага інстытута, дзе працавала на працягу двух гадоў[2].
З’яўлялася старшынёй праўлення тэрапеўтычнай секцыі і членам Праўлення Усерасійскага таварыства тэрапеўтаў[2].
Памерла ў 1946 годзе ў Стаўрапалі[3].
Мела вялікі аўтарытэт у Савецкім Саюзе і за мяжой. Вядомасць у прафесійных колах набыла пасля правядзення навуковых распрацовак у розных галінах ўнутранай паталогіі, але ў першую чаргу — у галіне гематалогіі[4].
Па запрашэнні нямецкага боку чытала ў Германіі спецкурс па хваробах крыві[5][2].