Раго́жынка — рака ў Клімавіцкім раёне Магілёўскай вобласці Беларусі, правы прыток ракі Сасноўка (басейн Дняпра).
Даўжыня ракі 12 км. Плошча вадазбору 34 км². Сярэдні нахіл воднай паверхні 2,3 м/км. Пачынаецца каля вёскі Нязнань[2]. Упадае ў Сасноўку за 1,2 км у напрамку на ўсход ад вёскі Царковішча і аўтамабільнай дарогі Р75. Вадазбор на паўднёвым усходзе Аршанска-Магілёўскай раўніны.
Каля ракі вёскі Ерашоўка, Селішча. Каля вёскі Селішча на рацэ сажалка[1], а на ўскрайку вёскі археалагічны помнік — курганны могільнік.