«Псаглаўцы» (чэшск.: Psohlavci) — гістарычны раман Алаіса Ірасека, напісаны ў 1883—1884 гадах і ўпершыню апублікаваны ў часопісе «Květy» у 1884 годзе. Першае кніжнае выданне выйшла ў 1885 годзе і вытрымала больш за трыццаць перавыданняў[1]. Дыялогі ў рамане напісаныя ходскім дыялектам. Галоўныя героі рамана — Ян Сладкі Козіна, Крыштаф Грубы і Мацей Пршыбек. Назва «Псаглаўцы» апісвае мянушку народа ходаў.