Помнік 23-м воінам-гвардзейцам — помнік у Полацку. Знаходзіцца на вуліцы Леніна на правым беразе ракі Заходняя Дзвіна.
Помнік 23-м савецкім салдатам, якія пад камандаваннем лейтэнанта А. М. Грыгор’ева захапілі і ўтрымлівалі плацдарм праз Заходнюю Дзвіну 3 ліпеня 1944 года. Помнік усталяваны ў 1989 годзе па праекце скульптара А. І. Пянькова.
Помнік уяўляе сабой скульптурную кампазіцыю — група салдат, якія супрацьстаяць праціўніку, і стэла, з вяршыні якой у неба ляцяць бронзавыя журавы. На стэле знаходзіцца таблічка, на якой пералічаны імёны воінаў-гвардзейцаў[1].