Польскі корпус

Польскі корпус-вайсковая адзінка войска Расійскай дзяржавы, потым Польскага Каралеўства.

Вайсковая гісторыя

Польскі корпус створаны 24 ліпеня 1917 года. 6 жніўня 1917 года камандзірам корпуса прызначаны расійскі генерал Юзаф Доўбар-Мусніцкі.

Ядром корпуса стала Першая польская стралецкая дывізія расійскага войска, якая камплектавалася з жаўнераў і афіцэраў польскага паходжання.

Камандзір корпуса прыклаў моцныя намаганні, каб утрамаць корпус у тылу і не даць накіраваць яго на фронт.

Пасля бальшавіцкага перавароту ў Расіі, кіраўніцтва корпуса адмовілася падпарадкоўвацца ўладам РСФСР і з баямі адвяло войска ў Бабруйскую крэпасць, якую заняла 29 студзеня 1918 года.

Нямецкія акупацыйныя ўлады Польскі корпус лічылі хаўрысным па Польскаму Каралеўству, таму пэўны час цярпелі знаходжанне польскіх войскаў на сваей тэрыторыі. Але ў той жа час немцамі былі абязброены вайсковыя адзінкі летувісаў і беларусаў.

21 траўня 1918 года корпус быў абязброяны немцамі ў Бабруйску, жаўнеры накірованы ў Варшаву ў Польскае Каралеўства.

Глядзі таксама

Беларускі корпус расійскага войска

Літаратура

Артыкулу не хапае спасылак на крыніцы. Звесткі мусяць быць правяральнымі або іх могуць выдаліць. Вы можаце адрэдагаваць артыкул, дадаўшы спасылкі на аўтарытэтныя крыніцы.