Плошча Ліваў (лат.: Līvu laukums) — плошча ў Рызе, размешчана паміж вуліцамі Зіргу, Мейстару і Калькю.
Была створана ў 1950 годзе пасля зносу разбуранай падчас Другой сусветнай вайны гарадской забудовы. Называлася «Скверам ля філармоніі», паколькі будынак Вялікай гільдыі, які выходзіў на плошчу, з 1941 года займала канцэртная зала Латвійскай філармоніі.
Сучасную назву атрымала 29 лютага 2000 года.
Славутасці — Малая гільдыя, Вялікая гільдыя, «Дом з чорнымі катамі».