Плашчаносная яшчарка
Плашчаносная яшчарка (Chlamydosaurus kingii) — паўзун сямейства агам. Адзіны від аднайменнага роду.
Даўжыня да 80 см. Мае шырокую лускаватую складку скуры ў выглядзе каўняра-«плашча» (адсюль назва) шырынёю да 15 см. У самцоў на каўняры каляровыя плямы; грудзі і горла чорныя. Раскрывае «плашч» пры абароне, небяспецы, узбуджэнні, у час гону.
Пашырана на поўначы і паўночным захадзе Аўстраліі і востраве Новая Гвінея. Жыве пераважна на дрэвах, па зямлі можа бегаць на задніх нагах. Корміцца пераважна насякомымі, а таксама іншымі беспазваночнымі, дробнымі паўзунамі і млекакормячымі.
Літаратура
- Плашчаносная яшчарка // Беларуская энцыклапедыя: У 18 т. Т.12: Палікрат — Праметэй / Рэдкал.: Г. П. Пашкоў і інш. — Мн.: БелЭн, 2001. — Т. 11. — 560 с. — 10 000 экз. — ISBN 985-11-0198-2 (Т. 11).
Катэгорыя·Віды па-за небяспекай
Катэгорыя·Старонкі з нелікавымі аргументамі formatnum
Катэгорыя·Агамы
Катэгорыя·Жывёлы паводле алфавіта
Катэгорыя·Паўзуны Аўстраліі
Катэгорыя·Вікіпедыя·Артыкулы з пераазначэннем значэння з Вікідадзеных