Пе́цькаўскі сельсавет — былая адміністрацыйна-тэрытарыяльная адзінка ў складзе Кобрынскага раёна Брэсцкай вобласці. Цэнтр — вёска Пецькі.
Утвораны 16 ліпеня 1954 года ў складзе Кобрынскага раёна Брэсцкай вобласці БССР шляхам аб’яднання скасаваных Пескаўскага і Хідрынскага сельсаветаў[1]. 4 верасня 1972 года ў склад Батчынскага сельсавета пералічаны пасёлак Фруктовы[2]. 18 снежня 1972 года перайменаваны ў Хідрынскі сельсавет, цэнтр перанесены ў вёску Хідры[3].