Папская тэалагічная акадэмія (італ.: Pontificia accademia di teologia) — каталіцкая вышэйшая навучальная ўстанова з сядзібай у Рыме, якая кіруецца Святым Прастолам.
Тэалагічная акадэмія ў Рыме была заснавана ў 1695 годзе фларэнтыйцам Рафаэлем Казіма дэ Джыраламі, пасля стаўшым кардыналам. У 1718 годзе Папа Клімент XI адобрыў стварэнне акадэміі і надаў ёй статус Папскай. Папа Бенедыкт XIII васьмю гадамі пазней зацвердзіў навучальныя праграмы і вылучыў неабходнае фінансаванне. У 1956 годзе акадэмія была рэфармавана Папам Піем XII.