wd wp Пошук: ⬜

Палёўка цёмная

Палёўка цёмная, палёўка пашавая (Microtus agrestis) — від грызуноў сямейства хамяковых.

Апісанне

Даўжыня цела 8—12,8, хваста 2—4 см. Поўсць на спіне шэра-бурая з карычняватым адценнем, брушка светла-шэрае з палевым адценнем.

Пашырэнне

Пашырана ў Еўразіі. Жыве ў лясной зоне і лесастэпе да Паўночнай Украіны, Варонежскай вобласці Расіі, Паўднёвага Урала, Алтая, Лены. На Беларусі ў невялікай колькасці трапляецца па ўсёй тэрыторыі ў алешніках, на балотах, у поймах рэк і іншых увільготненых і паніжаных мясцінах.

Асаблівасці біялогіі

Корм раслінны.

Штогод 3—4 прыплоды па 3—6 дзіцянят у кожным.

Літаратура

Палёўка цёмная // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1985. — 599 с., іл. — 10 000 экз.