Шато-д’Э (Château d’Eu) — каралеўскі палац у горадзе Э на поўначы Францыі, за 4 км ад Ла-Манша.
Пабудаваны герцагам Генрыхам Гізам і яго жонкай, Кацярынай Клеўскай, у канцы XVI стагоддзя на месцы замка, разбуранага ў 1475 годзе каб пазбегнуць яго ўзяцця англічанамі. Свой цяперашні выгляд палац набыў у XVII стагоддзі, калі яго жыхаркай была герцагіня дэ Манпансье. Кароль Луі-Філіп ператварыў Шато д’Э у сваю летнюю рэзідэнцыю; двойчы ён прымаў у ім англійскую каралеву Вікторыю. З 1973 года ў палацы размяшчаецца музей Луі-Філіпа і яго эпохі.