Палац Гуэля
Палац Гуэля ў Барселоне (катал.: Palau Güell) — гарадскі жылы дом на вуліцы Карэра-Ноў-дэ-ла-Рамбла (катал.: Carrer Nou de la Rambla), пабудаваны Антоніа Гаўдзі па замове прыхільніка яго таленту, каталонскага прамыслоўца Эўсебі Гуэля.
Палац, пабудаваны ў 1885-1890 гады, з’яўляецца адной з ранніх работ знакамітага архітэктара. У праекце палаца ўпершыню знайшлі адлюстраванне злучэнне дэкаратыўных і структурных элементаў, што пазней зрабілася характэрнай рысай яго творчасці. Гаўдзі па-рознаму выкарыстаў у дэкаратыўным афармленні сталёвыя апорныя канструкцыі. У палацы ён спраектаваў плоскія візантыйскія скляпенні.
У гэтым творы Гаўдзі выразна прасочваецца імкненне архітэктара адмовіцца ад эклектычная стылю ў пошуках новых формаў. Калі фасад яшчэ ў некаторай ступені нагадвае венецыянскія палацца, то ўнутраныя інтэр’еры палаца Гуэль адкрываюць багатую абстаноўку, якая спалучае ў сабе творы дэкаратыўна-прыкладнога мастацтва, інтарсіі і мэблю, зробленую па адмысловай замове для палаца. Адрозніваецца своеасаблівасцю афармленне сцен і скляпенняў палаца. Коміны на даху палаца Гуэля выкананы ў форме розных фігур і нагадваюць аб парку Гуэля.
У 1984 годзе палац Гуэля разам з іншымі архітэктурнымі шэдэўрамі Гаўдзі быў унесены ў Спіс Сусветнай спадчыны ЮНЕСКА.
Літаратура
- Joan Bergós i Massó / Joan Bassegoda i Nonell / Maria A. Crippa: Gaudí. Der Mensch und das Werk. Hatje Cantz Verlag, Ostfildern 2000, ISBN 3-7757-0950-9
- Xavier Güell: Antoni Gaudí. Verlag für Architektur Artemis, Zürich 1987, ISBN 3-7608-8121-1
Катэгорыя·Збудаванні ў стылі мадэрн
Катэгорыя·Сусветная спадчына паводле алфавіта
Катэгорыя·Сусветная спадчына ў Іспаніі
Катэгорыя·З’явіліся ў 1890 годзе
Катэгорыя·Будынкі Антоніа Гаўдзі
Катэгорыя·Архітэктура Барселоны