Паданія (італ. Padania) — назва П’емонта, Ламбардыі і іншых паўночных абласцей Італіі (Паданская раўніна), дзе распаўсюджаны паўночнаітальянскія мовы (ламбардская, венецкая, п’емонцкая, лігурская, эмільяна-раманьёльская). Утворана ад лацінскай назвы галоўнай паўночнаітальняскай ракі По — Padus.
Гэты кніжны тэрмін увайшоў у шырокі ўжытак у 1990-я гады, калі партыя сепаратыстаў Ліга Поўначы запатрабавала аддзялення Паданіі ад аграрнага Поўдня, стварыла «ценявы» парламент у Мантуі і правяла падабенства выбараў у яго.