У Вікіпедыі ёсць артыкулы пра іншых асоб з прозвішчам Лафантэн.
Оскар Лафантэн (ням. Oskar Lafontaine; нар. 16 верасня 1943 г., Зарлуі, Саар) — нямецкі дзяржаўны і палітычны дзеяч, былы старшыня СДПГ.
Нарадзіўся ў сям’і пекара. Яго бацька Ханс Лафантэн загінуў на палях бітваў Другой сусветнай вайны. Оскар выхоўваўся маці разам з братам-блізнюком Гансам.
Скончыў каталіцкую гімназію ў горадзе Пруме, а пазней пры садзейнічанні каталіцкай адукацыйнай арганізацыі Cusanuswerk змог праслухаць курс фізікі ў Бонскім і Саарскім універсітэтах. У студэнцкія гады, у 1966 годзе, уступіў у Сацыял-дэмакратычную партыю (СДПГ), з якой звязана вялікая частка яго палітычнай біяграфіі. У 1969 г. атрымаў навуковую ступень магістра за сваю працу, прысвечаную вытворчасці крышталяў тытаната барыю.